الى من يهمه الامر (المستشفى)

[ولد الميموني]

السلام عليكم ورحمة الله وبركاته

شخباركم ياهل منتدي القيصومه


ارجو اني مازعجتكم بشكوتي الى احد الدكاتره المتواجدين في المستشفى

في تمام الساعه 6و45دقيقه في تاريخ 2-8-2008م يعني اليوم


لقد ذهبت الولده الى المستشفى لتراء الضغط اخذت ورقه من الاستعلامات ثم ذهبت الى الاسعاف بعد ذاك انتظرت في غرفة الانتظار ساعه تقريبا <<<<<<ساعه هذا مافيه احد الاسعاف ماعاد الدكتور والممرضه ويوم دخلت الولده لقت الدكتور ماسك سماعات التلفون و يكلم عاد الولده قلت للممرضه ممكن تشوفين لي الضغظ قلت لها قعدي هنا شوي لما دكتور يخلص المكالمه عاد الولده قلت المكالمه اهم من المريض الله يجزاج بالخير <<< الممرضه سعوديه على ماعتقد المهم تركة المستشفى وطلعت وقلت لي ودي يم مستشفى الحفر قلت ليش قلت كذا كذا السالفه قلت امحق مستشفى امحق دكتور

الله طلعنا يم الحفر الى احد المستشفيات الخاص والله انهم احسن وابرك

بس حبيبت اقول المراقبين المستشفى الله الله بالدكاترره الممتازين

تراء هذا فقط جزء من كلامي عن المستشفى يما ويما تحت السواهي دواهي

ولكم خالص تمناياتي

ولد الميموني

[فهد]

هلا ولد الميموني

ما تشوف شر الوالده

لا الدكاتره ولا المستشفى معصومين من الخطأ

بعدين ليش تروح للحفر؟؟؟

ياخي اذا فيه اي مشكله فيه مدير مناوب تقدر تكلمه

اذا لقيت اي خطأ

واعتقد فيه صندوق للشكاوي والاقتراحات موجود بالمستشفى

على خبري بالمبنى القديم (( التنويم حاليا))

يعني لو انك مبلغ المدير المناوب كان ما رحت للحفر


تحياتي لك

[الواصــــل]

ماتشوف شر الوالده والله يشفيها ويشفى مرضى المسلمين

مستشفى القيصومه موضوع طويل جداً انا عندي عليه ملاحظات كثيره جداً وللآسف ياخوي يافهد صندوق الاقتراحات مايفتح

غير كذا المدير المناوب هو المفروض يكون مداوم الاول وبعدين وظيفته انه يكون متابع للهالحالات ولا اروح ادوره انا لأني

يمكن تكون حالة المريض معاي حرجه ولا يمديني ادوره او احتريه لما يجي ويداوم لأني ولا مره جيت المستشفى

وحصلت الطاقم الطبي والاداري مدوام الا وقت الزيارات وش ينفع الشكوى اذا اصلاً الحبل على القارب اشتكي اليوم

وينحل الموضوع بمجرد مكالمه بالتلفون للدكتور ولا في اي ملاحظات تسجل في ملف الدكتور او الموظف المقصر في

عمله وبعدين اذا كان اهم مكان المفروض انه مايكون فيه تهاون بالعمل لأنه مكان حساس جداً والعالم تمشي فيه

بالواسطات







كان هـ، ـ ، ـ ، ـ، الواصل ـ،ـ،ـ،ـنا

[UAE]

ماتشوف شر الوالده والله يحفظها ويخليها لك ... قولوا آمين

والله ياأخ فهد لو واحد يعرفهم كان اتصل عليهم وهم مايقصرون فيهم الخير

لكن المشكلة في المناوبين على بالهم وظائف حكومية متى مايجي يجي على كيفه ... ويافلان تراني

رايح وجاي تكفى ابيك تغطي علي ..

أنا مرة الضرس عندي أعلن الطوارئ والله مالقيت لااستقبال ولا أحد (( كنت ابي بنج بس )) والساعة 1 بالليل ..

برأيي الزيارات المفاجأة والدورية أهم حل والناس العاطلين كثير ... المهمل واللامبالي الله يسهل عليه ... أرواح الناس مو لعبة ...

[ولد الميموني]

هلا ولد الميموني

ما تشوف شر الوالده

لا الدكاتره ولا المستشفى معصومين من الخطأ

بعدين ليش تروح للحفر؟؟؟

ياخي اذا فيه اي مشكله فيه مدير مناوب تقدر تكلمه

اذا لقيت اي خطأ

واعتقد فيه صندوق للشكاوي والاقتراحات موجود بالمستشفى

على خبري بالمبنى القديم (( التنويم حاليا))

يعني لو انك مبلغ المدير المناوب كان ما رحت للحفر


تحياتي لك

هلا فيك يالغالي
الشر مايجيك يالغالي

بس حبيت اقول لك شغله عن
احد الدكاتره بالمستشفى
جايب ولده المستشفى معطيه الخشبه الا يحطونه بالفم يلعب فيهااا بالارض بعدهاا يجمعهااا ويحطه لناس !!!!!!!!!!!!!!!!! وين رقابه ياشيخ

شكرا على افادتنا من كلامك ياخوووك

[رفيع الشان]

مشكووور اخوي ولد الميموني

وماتشوف شر الوالده


واذا عالمستشفى موضوع طويل وعريض يعني لو بنتكلم عن ممرضين اللي جيدين بالجل والشعر يهف يمين ويسار وناسين المرضى

ولا وفوق هذا مايداومون فلان غط علي وفلان وقع عني

ولا عالمغازل اللي داخل والله احس اني بسووق ومو اي سوق مغازل وووو..............


ولا عالدكاتره هالمصاريه تقول بيت ابوه المستشفى جايب العايله الكريمه


وييييييييييييييين الرقااااابه ياناس

ملاحظه /// اللي مشكك في كلامي ولا شي عندي ادله اوريه

تحياتي// رفيع الشان

[جنووون الحب]

السلام عليكم ورحمة الله وبركاته ما تشوف شر الوالده يالميموني
انا اصف بجانب الواصل بصراحه وفى وكفى برد لاني واجهت بمشتشفى لقيصومه اعظم منك بختصار الذي واجهته "
كان طفلي يعاني من تعب شديد ورتفاع بدرجه حراره وكان تشخيصهم انه التهاب بلحلق لا اكثر وعلما ان ابني لم يتحسن بل زاد سوء وانجبرت ان اسافر به الي الخارج وتبين التشخيص انه يعاني من جرثومه بجسمه وهذا غيض من فيض ونتمنا من مستشفى القيصومه ان يكون اكثر اهتمام ؟

[فهد]

هلا فيك يالغالي
الشر مايجيك يالغالي

بس حبيت اقول لك شغله عن
احد الدكاتره بالمستشفى
جايب ولده المستشفى معطيه الخشبه الا يحطونه بالفم يلعب فيهااا بالارض بعدهاا يجمعهااا ويحطه لناس !!!!!!!!!!!!!!!!! وين رقابه ياشيخ

شكرا على افادتنا من كلامك ياخوووك


هذي تسمى عدم مباله من الدكتور

المفروض منبهه للخطأ اللي صار

تقبل مروري

[ســنــيــور]

ماتشوف شر والدتك يا ولد الميموني
ومايشوف شر أبنك

مستشفى القيصومة يسعى إلى التطور و الإنسان مو معصوم من الخطأ وأنا وياكم
بس اللي عنده شكوه يوصله للمدير المناوب وانا أقول أكيد أنه مو مقصر معكم
والمستشفى يبي رقابه

موفق بإذن الله ... لك مني أجمل تحية .

[الـعٌــمُ كٌــــراشٌ]

معاك حق يا ولد الميموني ...

المستشفى صار فية اتكالية ... ولا فية مسؤلية ....

يعني اصبر كم سنة .. ويصير انت تعالج نفسك ... يعني ماعد تلقى دكاترة ...ههههههههههه

والله من جد

ومشكووور

[سـائح خليجي]

كلامكككككككككككككككك ك صحيح 100%