إدارة النصر تربط مصير المدرب بنتائج مبارياته المقبلة

[الــرايــق]

كشفت مصادر (الرياض) عن تلقي الهولندي (فوكي بوي) مدرب فريق النصر تحذيرات إدارة ناديه بالاعفاء من منصبه اذا ما واصل الفريق نزيفه النقطي خلال المراحل المقبلة من بطولة الدوري الممتاز. وكان الفريق النصراوي قد قدم اداءً جيدا في الجولة الافتتاحية امام جاره الشباب قبل تجرعه الخسارة امام الصاعد الجديد إلى دوري الأضواء فريق الوطني وبعدها امام الاتحاد بخماسية هزت صورة المدرب الهولندي (فوكي بوي) الذي لم ينجح لاعبوه في لقاء الاسبوع الأخير من استثمار استضافة فريق الطائي على استاد الأمير فيصل بن فهد مكتفين بنقطة واحدة جاءت بشق الأنفس عن طريق المهاجم البديل محمد الشمراني الذي احرز هدف التعادل النصراوي. وتسببت نتيجة مباراة الطائي في اتساع دائرة الانتقاد للطريقة التي ينهجها فولي بوي والاسلوب الذي يعامل اللاعبين به اثناء التمارين. من جهة ثانية أجرى النصر تدريباته مساء أمس على ملعب الأمير عبدالرحمن بن سعود استعدادا لمواجهة الأهلي الدورية بعد غد الأحد. وسيؤدي مرانه الأخير في العاصمة الرياض اليوم قبل سفره الى جدة غد السبت

[نصراويه للأبـ11ـد]

اي والله ياليتهم يطردون ذا المدرب ويجيبون لنا مدربن زين ..

لمواجهة الأهلي الدورية بعد غد الأحد. وسيؤدي مرانه الأخير في العاصمة الرياض اليوم قبل سفره الى جدة غد السبت
بجده :eek: توي ادري .. الله يستر



دعوااااااااااااااااا اتكم بالتوفيق للنصر العااااااالمي ..

[الــرايــق]

الله يوفقكم انشالله وترجعون بنتيجه ايجابيه باذن الله..

وانا راح اشجع النصر في المبارة القادمه مع الاهلي علشانك يانصراويه

[البرنس]

والله مرعبة يالنصراوية خوفتيهم وخليتيهم يشجعون النصر ......


بالتوفيق للاخوان الاهلاوية

[الــرايــق]

البرنس هذا مو خوف تقدر تسميه احترام ورد جميل لأن نصراويه تمتلك أخلاق رياضيه عاليه وماقصرت والله كانت واقفه معانا يوم مبارة الوحده وأنا قلت ابي اشجع النصر في المباره القادمه فقط لاغير ...

أما انا هلالي وافتخر وماراح افكر في يوم من الأيام أني أترك تشجيع الزعيم لأنه عشقي الأول والأخير

[البرنس]

متأكد يالرايق من كلامك .......

بعدين من قال لك انها شجعت الهلال على الوحدة ؟؟؟؟؟؟؟؟؟

ياعمي مافيه نصراوي على وجه الأرض يشجع الهلال سواء مشاركات خارجية أو داخلية ...ز

هو فعلا تملك أخلاق رياضية عالية لكن نتكلم احنا عن الواقع اللي نعيشه ( هلال ونصر ) .


تحياتي

[نصراويه للأبـ11ـد]

الله يسلمك يالطيب يالراايق.. كلك ذووق والله ..

بعدين من قال لك انها شجعت الهلال على الوحدة ؟؟؟؟؟؟؟؟؟

وش دعوه يالبرنس.. ترى حنا في النهايه سعوودين ومن حقنا نشجع الهلال اذا كان مع نادي مو سعودي وانا اول من شجع الهلال وربــي اول مره اشجعه من كل قلبي


وبعدين اكبر دليل ان جمهور النصر ذهبت للملعب عشان تشجع الهلال
[فقط الأعضاء المسجلين والمفعلين يمكنهم رؤية الوصلات]

فيه أحد يقدر يقول النصر ماشجع الهلال بعد هالصووره ..

وياهلا بكم واحترم رايك اخوي البرنس ..

[البرنس]

هههههههههههه

وانا أقول ليه الهلال انهزم ....... رايحين تشجعون معانا :)

هههههههه

أنا عارف اننا سعوديين بس اللي اشوفه والمسه من المجتمع حولي يقول غير ذلك .........

انا مصدقج بس حبيت اهزر مع الرايق ...... وانا متأكد انج خوفتيهم :)

تحياتي

[الــرايــق]

افا عليك يالبرنس متأكد من كلامي ونص واقوله بكل فخر وأعتزاز اني انتمي للزعيم

[نصراويه للأبـ11ـد]

ههههههههه اجل دايم بنشجعكم << امذح :p:p

[الــرايــق]

نصراويه مشكوره على هالصوره المعبره عن الاحترام المتبادل والتـكـا تـف مع بعض في المشاركات الخارجيه ويارب نشوف جميع الجماهير على هذا الشكل بالمستقبل القريب انشالله لكي نرتقي برياضتنا السعوديه .......

[البرنس]

أنا أتوقع ان الصورة مدبلجة ومركبة ......... :)

[نصراويه للأبـ11ـد]

أتوقع ان الصورة مدبلجة ومركبة .........

اوف اوف الا هذي عااد ..

[الــرايــق]

البرنس شكلك فاقد الأمل ان واحد من جماهير النصر يشجع الهلال

[البرنس]

لا أمزح ....... ههههههههههه كلنا فداء للوطن

[نصراويه للأبـ11ـد]

أي والله باين أجل يقول الصوره مركبه هههههه بالله عليك شووف عدل :P:P

[شــاعــر الأحــســاس]

يارب تكون الصوره مركبه

هذا وش فيه حاقد على العالمي وربي ما اشجعهم لو مايبقى فريق بالسعوديه غيرهم وهذا اللي حاضر معهم والله انه قاهرني وكاتب جمهور النصر

[البرنس]

هههههههه شاعر الاحساس وسع صدرك ترى نمزح

تحياتي