القناص
09-18-2007, 10:43 PM
:Dالسلام عليكم ورحمة الله و بركاته
صباحكم // مسائكم جوري
كان ودي أنزل الموضوع بداية الشهر ...لكن الظروف شوي مزرقنة
والمشكلة الثانية اللاب توب وجع راسي عليه طلعات غريبة هذي اليومين
والحل....؟؟ في وقت لاحق بتعرفوها؟؟.
ندخل بالموضوع //
كلنا بنمر بمشاكل و أزمات ... وفي رمضان غير شكل
الحال مضاعف..!!
وأكيد نبغي حل بسرعة ....طيب والحل..؟؟
ما في غير تتصل أو تعد خمس خمسات
وشبيك لبيك ( مع مفيد الحل أكيد )
.................... .................... .......... .................... ..
صارت هذي المشكلة 1 / رمضان "جدة "
كتوعه: اشبك يا بو الرجال قاعد توسوس وحدك وشكلك كدا مزرقن ومطرطع أش في رمضان كريم؟
لطفي:أش تبغاني أسوي أهيص و أنقز،يا واد أنا حافي منتف كل البشكه راسلوني وباركولي برمضان
وأنا طفران ما عندي حق بطاقة شحن!!
دحين إش يقولوا دايم أديلهم جناط لا أراسلهم في الفطر ولا في المناسبات
ماشفنا خير لا في شرايح الفواتير ولافي بطايق الشحن ..
كلها تاكل الجيوب أكل الله وكبر عليهم.
والمشاكل ماتيجي إلا على بعض خلص الراتب في مصاريف الإجازة وجتنا الدراسة
ودخل علينا رمضان والعيد في الطريق
ورسايل الجوال هادي يبالها هبر على جنب!!
كتوعه : أقول فكها وربك يحلها ..دق خمس خمسات ..
لطفي : أتصل على مين يا بويا أقول ما عندي شحن
كتوعه: طيب لا تدف عد خمس خمسات وفكنا.
لطفي :55555
5 دقايق والمحروس " مع مفيد الحل أكيد " وفهم الهرجه
مفيد : بسيطة... أختار الرسالة وأزغط على زر السماعة الحمرا وقتها الرسالة بتوقف مكانها
أرسل للواد call my ، ح يتصل عليك
أنت تنكتم لا تنطق بألو ولا سلام خش عرض وأقرا الرسالة بسرعة وأقفل على طول ... تمام
كدا الرسالة وصلت وسويها مع باقي البشكه
ويللا أنشكحو ... وأنتهت المشكلة!
.................... ....................
ودمتم بخير مع مفيد الحل أكيد
صباحكم // مسائكم جوري
كان ودي أنزل الموضوع بداية الشهر ...لكن الظروف شوي مزرقنة
والمشكلة الثانية اللاب توب وجع راسي عليه طلعات غريبة هذي اليومين
والحل....؟؟ في وقت لاحق بتعرفوها؟؟.
ندخل بالموضوع //
كلنا بنمر بمشاكل و أزمات ... وفي رمضان غير شكل
الحال مضاعف..!!
وأكيد نبغي حل بسرعة ....طيب والحل..؟؟
ما في غير تتصل أو تعد خمس خمسات
وشبيك لبيك ( مع مفيد الحل أكيد )
.................... .................... .......... .................... ..
صارت هذي المشكلة 1 / رمضان "جدة "
كتوعه: اشبك يا بو الرجال قاعد توسوس وحدك وشكلك كدا مزرقن ومطرطع أش في رمضان كريم؟
لطفي:أش تبغاني أسوي أهيص و أنقز،يا واد أنا حافي منتف كل البشكه راسلوني وباركولي برمضان
وأنا طفران ما عندي حق بطاقة شحن!!
دحين إش يقولوا دايم أديلهم جناط لا أراسلهم في الفطر ولا في المناسبات
ماشفنا خير لا في شرايح الفواتير ولافي بطايق الشحن ..
كلها تاكل الجيوب أكل الله وكبر عليهم.
والمشاكل ماتيجي إلا على بعض خلص الراتب في مصاريف الإجازة وجتنا الدراسة
ودخل علينا رمضان والعيد في الطريق
ورسايل الجوال هادي يبالها هبر على جنب!!
كتوعه : أقول فكها وربك يحلها ..دق خمس خمسات ..
لطفي : أتصل على مين يا بويا أقول ما عندي شحن
كتوعه: طيب لا تدف عد خمس خمسات وفكنا.
لطفي :55555
5 دقايق والمحروس " مع مفيد الحل أكيد " وفهم الهرجه
مفيد : بسيطة... أختار الرسالة وأزغط على زر السماعة الحمرا وقتها الرسالة بتوقف مكانها
أرسل للواد call my ، ح يتصل عليك
أنت تنكتم لا تنطق بألو ولا سلام خش عرض وأقرا الرسالة بسرعة وأقفل على طول ... تمام
كدا الرسالة وصلت وسويها مع باقي البشكه
ويللا أنشكحو ... وأنتهت المشكلة!
.................... ....................
ودمتم بخير مع مفيد الحل أكيد